ورط العضو اللى بعدك بسؤال محرج؟؟؟؟

السلاااااااام عليكم..؟


اليوم حبيت احطلكم لعبه حلووه


و اعتقد ان الكل يعرفهاا .. !!


اللعبه بماا فيهاا انك تدخل و تسأل اللي بعدك سؤال و يجاوب عليه ..

حتى لو كان سؤال محرج
مثلا
ايه اخر موقف محرج حصلك وايه هو بصراحة
كم عمرك

كم مره انطردت من المحاضره


و بــــــــس هذى هي اللعبه .. عباره عن × سؤال و جواب× ..


و يلا نبدأ ........!!




.. احم احم


ايه رأيك ف حب الجامعه؟

لا الحمد لله عندى اجابات لكل حاجه بس اقولك حاجه بحب اريح دماغى واقول معرفش
عمرك جرحت مشاعر حد قبل كده؟؟؟؟؟؟؟؟؟
نايس توبيك

يااااااااااااه دى بقى بحسها كل يوم لانى ملقتش الصديق الصح يلا نصيبى كده
كام مره مشاعرك خانتك؟؟؟؟؟؟؟؟

تقريبا الترم ده اول مره احس بالفشل فعلا وفشلى كمان انى معرفتش احافظ على اعز انسان بالنسبه ليا
واللى تاعبنى اكتر افتكر انى اتخليت عنه وانى عرفته عشان مصلحتى بس هوه غلطان ومسيره هيعرف كده فى يوم من الايام
ايه السؤال اللى مش عاوز حد يساله لك ؟؟؟؟؟؟؟؟وياريت تبقى تجاوبه؟؟؟؟؟؟؟

السؤال هوه حبيت وجرحت وانجرحت؟؟؟؟؟؟
فعلا حبيت من كل قلبى كان شخص غالى اوى وعمرى ما هنساه
جرحت بقى هوه مفكر انى جرحته واتخليت عنه وخدعته كمان بس والله دا ما حصل وياريت يسمعنى مره ويحاول يفهم
اما انجرحت منسمهاش كده اسميها نصيب بس عمره ما جرحنى فى حاجه بس اللى مزعلنى انه هيضيع نفسه ويارب مايحصل ده
بس مش هقول منه لله هقول ربنا معاه ويخرجه من اللى هوه فيه
ممكن تسامح اللى جرحك؟؟؟؟؟؟؟؟

اكيد هسامحه من غير اى اعتذارات او مبررات لان اللى بيحب بيسامح
اما لوكان الجرح من شخص عادى هيبقى على حسب اللى عمله فيا بس برده هسامح
هتعمل ايه لو كان الشخص اللى ظلمته طلع مظلوم ؟؟؟؟؟؟؟

لا طبعا مش هقدر انام بس اوقات الانسان بيبقى قاسى حتى على اقرب الناس ليه بس اكيد بيبقى معذور
ايه رايك فى الصداقه بين البنت والولد؟؟؟؟؟

رأيك سليم يادكتور وانا بتفق معاك فيه جدا
ومفيش مانع يبقى فى صداقه بين الولد والبنت بس زى ما حضرتك قولت بتبقى فى حدود بنهم وكمان فى المعامله وفى طريقه الكلام كمان
واوقات كمان الولد ده بيقف جمب البنت اكتر ما يكون اخوها وساعات كمان البنت ممكن تساعد الولد يعنى بيكملو بعض
وفى ناس كتير بتقول لا مينفعش بنت تصاحب ولد دا حرام بس ما دام البنت والولد واثقين فى نفسهم وعارفين ان صداقتهم دى ليها حدود وبيخافو ربنا فيها فأكيد مفيش مانع لصداقتهم دى دا رأيى الشخصى

هل الحب فى السن بتاعنا ده غلط بمعنى ان احنا فى مراهقه ومسيرنا نكبر ونتعلم ونفهم الحياه بعقولنا مش بقلوبنا وعواطفنا وكده؟؟؟؟؟؟؟

انا مقتنع بالحب فى الفتره دى مليون ف الميه لانها
فتره نمو العواطف والمشاعر للانسان

استحاله الانسان هيحس بالمشاعر والعواطف ناحية شخص يحبه الا ف الفتره دى

والغريب ان لو سالت باباك او عمك حتى وقرايبك هتلاقيهم عاشوا قصة حب بس
دلوقتى بيبعدونا عن الحب ده ؟

والسبب لان هما عاوزين مصلحتنا وخوفهم علينا

بس هقول رايى كشاب وهحلل وجهة نظر البنت

اولا 99%من الشباب بيبقى همهم انه يعرف بنات مش لحب ولا حاجه

لا كتباهى بين اصحابه

يقول لصاحبه دا انا بكلم ............ اللى هى اجمد بنت ف الدفعه وكده

بس بجد فى شباب اخلاقها عاليه جدا وبتحب بجد

طب البنت تعمل ايه يا عم الفيلسوف ؟؟؟؟؟؟؟؟؟؟؟؟؟؟؟

فعلا البنت من رقتها بتسلم بقلبها ومشاعرها لمجرد كلمه حلوه وتفكر ان الشاب
ده روميو

معاك بس الأول قبل ما تسلمى قلبك للشاب ده شوفى هيضحى عشانك ولا لأ ؟؟؟؟

هيواجه المشاكل عشان حبكم يستمر ولا لأ ؟؟؟

طب تعمليه ازاى ؟؟؟؟

قوليله مثلا ان باباك او مامتك عرفم حبكم شوفى رد فعله ايه

لو هرب يبقى تسليه اما لو واجه يبقى بيحبك وكملى معاه

الحب لما بيحصل مره واحده وصح بجد أكن الدنيا ضحكت للواحد وبيقدر يعمل اى
حاجه

ده رأيى المتواضع

اللى بعدى يجواب ع السؤال نفسه